Astana şəhərində Azərbaycan xarici işlər naziri Ceyhun Bayramov və Qazaxıstanın xarici işlər naziri Murat Nurtleu arasında geniş tərkibdə görüş baş tutub. Daylinews-Az xəbər verir ki, bu barədə Azərbaycanın Xarici İşlər Nazirliyi məlumat yayıb.
Görüş zamanı iki ölkə arasında strateji tərəfdaşlıq çərçivəsində mövcud olan məsələlər və gələcək əməkdaşlıq perspektivləri müzakirə edilib. Həmçinin siyasi, iqtisadi, ticarət, nəqliyyat-kommunikasiya və humanitar sahələrdə əməkdaşlığın inkişafı ilə bağlı fikir mübadiləsi aparılıb.
Müzakirələrin əsas mövzularından biri də BMT, İƏT, TÜRKPA, MİƏT kimi regional və beynəlxalq təşkilatlar çərçivəsində əməkdaşlığın gücləndirilməsi olub.
