Gənc yazar Həsən Kür (əsl soyadı Zeynalı) bir müddət əvvəl intihara cəhd etdikdən sonra səhhəti ilə bağlı ümidverici xəbərlər yayılıb. Onun vəziyyətində müsbət irəliləyiş müşahidə olunur.
Bu barədə yazıçı Azad Qaradərəli məlumat verib. O bildirib: “Bu gün Sabunçu xəstəxanasında Həsəni ziyarət etdim. Özünü daha yaxşı hiss edir, lakin tam sağalması üçün hələ ciddi müalicəyə ehtiyac var. Ümid edirəm ki, dövlət qurumları bu məsələdə ona biganə yanaşmayacaq.”
Xatırladaq ki, fevralın 22-də Həsən Kür Bakının Sabunçu rayonundakı “Sevinc Mall” ticarət mərkəzinin üçüncü mərtəbəsindən özünü ataraq intihara cəhd etmişdi. Hadisənin ilkin səbəbi kimi şairin yaşadığı maliyyə çətinlikləri göstərilir. Hazırda o, 3 saylı Şəhər Klinik Xəstəxanasında müalicəsini davam etdirir. Həkimlər onun vəziyyətini stabil və qənaətbəxş hesab edirlər.
