21 aprel tarixində Madrid şəhərində idman dünyasının ən nüfuzlu mükafatlarından olan Laureus World Sports Awards 2025 mükafatlarının təqdimat mərasimi keçirildi.
Tədbirin təşkilat komitəsi bu ilki qaliblərin adlarını rəsmi şəkildə açıqlayıb:
- İlin komandası kateqoriyasında qalib Real Madrid oldu. “Kral klubu” 2024-cü ildə UEFA Çempionlar Liqasının finalında Dortmund “Borussiya”sına qalib gələrək (2:0) qitənin əsas klub turnirində növbəti zəfərini qazanmışdı.
- İlin idmançıları olaraq iki böyük ad seçildi: İsveçli dirəkdən tullanma üzrə atlet Armand Duplantis və amerikalı bədii gimnast Simone Biles.
- Simone Biles üçün bu artıq dördüncü Laureus mükafatı oldu. O, bu göstərici ilə tennis əfsanəsi Serena Williams-a çatdı və qadın idmançılar arasında rekordçular sırasına daxil oldu.
- Tennis dünyasının canlı əfsanəsi Rafael Nadal isə xüsusi “İdman İkonası” mükafatına layiq görüldü. Onun idman karyerasındakı əhəmiyyətli töhfələri və nizam-intizamı bu nüfuzlu titulla qiymətləndirildi.
- “İlin irəliləyişi” nominasiyasında isə İspaniya millisinin heyətində Avropa çempionu olan və son dövrlər parlaq çıxışları ilə yadda qalan ispan vunderkindi mükafatlandırıldı.
- “İlin geri dönüşü” mükafatı Braziliyalı bədii gimnast Rebecca Andrade-yə verildi. O, uzunmüddətli zədə fasiləsindən sonra möhtəşəm formada idmana qayıdaraq bütün diqqətləri öz üzərinə çəkdi.
