Rusiya Federal Vergi Xidməti (FNS) bloqer və müğənni azərbaycanlı mənşəli SUBO-nun (Subxan Məmmədov) hesablarını dondurdu. Daylinews-Az.com-un məlumatına görə, bu barədə Mash Telegram kanalında xəbər verilib.
Telegram kanalının məlumatına əsasən, vergi orqanları, hazırda Yaxın Şərqdə olan inflyuenserin üç bankda olan hesablarını dondurub. Digər təfərrüatlar isə məlum deyil.
2025-ci ilin fevralında Məmmədov Rusiya vətəndaşlığından məhrum edilib və ölkəyə 70 il müddətinə giriş qadağan edilib. Bu qərar, onun pərəstişkarları arasında yayılan “prank” (şəhərdaxili zarafat) videoçarxları ilə əlaqəli olub. Kütləvi məlumat vasitələrinə görə, bloqer özünə aid olan sənədləri təqdim edərkən yalan məlumatlar verib. O, həmçinin polis əməkdaşlarının geyimində çəkdiyi videoçarxlarla Rusiya hüquq-mühafizə orqanlarını təxribata salmağa cəhd edib.
Subxan Məmmədov Moskva şəhərində doğulub və Instagram və YouTube-da yayımladığı “prank” videoları ilə məşhurlaşıb. Həmçinin bir neçə mahnı (“DMZ”, “Ты знай” və digərləri) buraxıb və avtomobil mövzularına aid videolar paylaşmışdır. Sosial şəbəkələrində isə zəngin həyat tərzini nümayiş etdirirdi. Mətbuat isə hazırda SUBO-nun BƏƏ-də yaşadığını güman edir.
