Atlantada baş tutan İspaniya – Kabo-Verde oyunu qolsuz bərabərliklə yekunlaşıb. Topa daha çox nəzarət edən və hücumlarda fəal görünən İspaniya millisi çoxsaylı imkanlar yaratsa da, Kabo-Verde müdafiəsini keçə bilməyib və matç 0:0 hesabı ilə başa çatıb.
İlk hissədə hesab açılmayıb. Fasilədən sonra Luis de la Fuente hücum xəttini gücləndirmək üçün bir neçə dəyişiklik etsə də, bu addımlar nəticə verməyib. Beləliklə, Kabo-Verde turnirə vacib bir xalla başlayıb, İspaniya isə gözlənilmədən xal itkisi yaşayıb.
DÇ-2026, H qrupu
Qrupun digər matçında xallar bölündü
G qrupunun ikinci qarşılaşmasında Belçika və Misir yığmaları üz-üzə gəlib. Sietldə keçirilən görüşdə ilk qolu Misir vurub. Emam Aşur 20-ci dəqiqədə dəqiq zərbə ilə afrikalıları hesabda önə keçirib.
Belçika uzun müddət bərabərlik qolunu tapa bilməsə də, ikinci hissədə hesabı bərabərləşdirib. Hücum zamanı yaranan epizodda Məhəmməd Hani topu öz qapısına göndərərək hesabı 1:1 edib. Qalan dəqiqələrdə tərəflər qələbə qolunu vura bilməyiblər və görüş bu hesabla yekunlaşıb.
DÇ-2026, G qrupu
Beləliklə, G qrupunda ilk turun ardından İspaniya, Kabo-Verde, Belçika və Misirin hərəsinin aktivində bir xal var.
