Nyu-Cersidəki “MetLife Stadium”da keçirilən qarşılaşmada Fransa yığması Seneqalı 3:1 hesabı ilə məğlub edib. Oyunun taleyini Kilian Mbappenin parlaq çıxışı həll edib. Fransa millisinin kapitanı iki dəfə fərqlənərək komandasının üç xal qazanmasında əsas rol oynayıb. Digər qolu Bredli Barkola vurub. Seneqalın heyətində isə İbrahim Mbaye fərqlənib.
Bu nəticə Mbappe üçün ayrıca əhəmiyyət daşıyıb. Hücumçu milli komandadakı qol sayını 58-ə çatdıraraq Olivye Jirunun rekordunu geridə qoyub və Fransa yığmasının tarixində ən məhsuldar futbolçu adına sahib çıxıb. Onun dünya çempionatlarındakı qol sayı da 14-ə yüksəlib.
DÇ-2026, I qrup, I tur
Norveçdən güc nümayişi
Qrupun digər qarşılaşmasında Norveç millisi İraqı 4:1 hesabı ilə məğlub edib. 28 ildən sonra dünya çempionatına qayıdan şimal təmsilçisi ilk oyundaca iddiasını ortaya qoyub.
Komandanın lideri Erlinq Holand iki qola imza ataraq görüşün əsas simasına çevrilib. Leo Estiqor da adını tabloya yazdırıb. İraqın yeganə qolu Hüseynin hesabına qeydə alınıb, əlavə vaxtda isə avtoqol qeydə alınıb.
DÇ-2026, I qrup, I tur
İlk turun ardından Norveç top fərqinə görə qrup lideridir. Fransa ikinci pillədə qərarlaşıb. Seneqal və İraq isə növbəti turda ilk xallarını qazanmağa çalışacaq.
