Tibb mütəxəssisləri qeyd edir ki, beyin sağlamlığını qorumaq və yaddaşı uzun illər güclü saxlamaq üçün bəzi qidaların birgə istifadəsi daha effektiv nəticə verir. Mütəxəssislərin fikrincə, bu məqsədlə ən təsirli kombinasiyalardan biri çəyirdəkli qoz və qaragilə tandemidir.
Niyə məhz qaragilə və qoz?
Qoz tərkibindəki Omega-3 yağ turşuları və E vitamini ilə beyin hüceyrələrinin qorunmasında güclü rol oynayır. Bu maddələr beyin hüceyrələrinin zədələnməsini və iltihabı azaldaraq, yaddaş itkisi və koqnitiv funksiyaların zəifləməsi riskini aşağı salır.
Qaragilə isə zəngin polifenol və antioksidant tərkibi ilə tanınır. Bu maddələr oksidləşdirici stressi və bədəndəki iltihabi prosesləri azaldaraq, Alzheimer və digər neyrodegenerativ xəstəliklərin inkişafını ləngidir. Qaragilə eyni zamanda qısa müddətli yaddaşı və koqnitiv funksiyaları yaxşılaşdırmaqda olduqca təsirlidir.
Birlikdə bu iki məhsul beyin üçün təbiətin təbii qalxanı hesab olunur.
Beyin sağlamlığı üçün digər faydalı məhsullar
Tibb mütəxəssisləri bildirirlər ki, beynin sağlam qalması üçün düzgün qidalanma və orta dərəcəli fiziki fəaliyyət birləşdirilməlidir. Beyin üçün ən faydalı məhsullar, eyni zamanda ürək-damar sistemini də dəstəkləyən məhsullardır:
- Yaşıl yarpaqlı tərəvəzlər: Kale kələm, ispanaq, brokkoli
- Yağlı balıqlar: Qızılbalıq, skumbriya, siyənək
- Yumşaq giləmeyvələr: Qaragilə, çiyələk
- İstirahət üçün içkilər: Çay və qəhvə
Bu məhsulların daim rasiona daxil edilməsi beyin fəaliyyətini artırır, yaddaşı möhkəmləndirir və yaşla bağlı koqnitiv problemlərin qarşısını almağa kömək edir.
