ABŞ-ın sabiq prezidenti Co Baydenin sağlamlıq durumu ilə bağlı narahatlıq doğuran proqnoz verilib. Respublikaçı konqresmen və keçmiş Ağ Ev həkimi Ronni Cekson, 82 yaşlı Baydenin aqressiv prostat xərçəngi ilə mübarizə apardığını və ona yaşamaq üçün 12-18 ay qaldığını bəyan edib.
Urologlarla məsləhətləşmədən sonra rəy
“Bu mənim ixtisasım deyil, amma bu məlumat yayıldıqdan sonra bir neçə uroloqla danışdım və onların ortaq fikri budur: təxminən 12-dən 18 aya qədər yaşaya bilər”, – deyə Ronni Cekson The Washington Free Beacon nəşrinə müsahibəsində bildirib.
O, əlavə edib ki, bəzi digər xərçəng növlərindən fərqli olaraq, prostat xərçəngi açıq şəkildə görünən kimyaterapiya əlamətləri olmadan da müalicə edilə bilər, bu isə müəyyən ümidlər doğurur.
Cekson həmçinin Baydenin uzun illərdir şəxsi həkimi və ailə dostu olan Kevin O’Connoru kəskin tənqid edib. Onun fikrincə, ya O’Connor amerikalılara yalan danışıb, ya da vəzifəsinin öhdəsindən gələ bilmir.
Baydenin vəziyyəti və müalicə ümidləri
Hazırda Baydenə sümük toxumasına metastaz verən hormonlara həssas prostat xərçəngi diaqnozu qoyulub. Mütəxəssislər bildirirlər ki, xərçəngin bu növü sürətli inkişaf etsə də, hormon müalicəsi nəticə verə bilər.
Baydenin rəqiblərindən olan sabiq prezident Donald Tramp və vitse-prezident Kamala Harris, onun sağlamlığı ilə bağlı baş verənlərə münasibət bildirərək dəstək və sağalma arzularını çatdırıblar.
