Bakının keçmiş “Sovetski” adlanan ərazisində növbəti mərhələdə söküntü işləri həyata keçirilir. Daylinews-az.com xəbər verir ki, bu proses hazırda Nizami, Rzə Quliyev, Nabat Aşurbəyova, Çingiz Mustafayev və Mirzəağa Əliyev küçələrini əhatə edir.
Rəsmi məlumata görə, ərazidən köçürülən sakinlərlə razılaşma əldə olunub, onlara qanunvericiliyə uyğun olaraq kompensasiyalar ödənilib. Proses Yasamal Rayon İcra Hakimiyyəti, Dövlət Şəhərsalma və Arxitektura Komitəsi və Əmlak Məsələləri üzrə Dövlət Xidmətinin nəzarəti altında aparılır.
Qeyd edək ki, söküntü çərçivəsində artıq üç yaşayış binası tamamilə sökülüb. Onların yerində yeni parkın salınması planlaşdırılır. Bu layihənin məqsədi şəhərin mərkəzində daha yaşıl və funksional ictimai məkan yaratmaqdır.
