5 iyun gecəsi baş verən faciəvi hadisə nəticəsində bir ailənin üzvləri də daxil olmaqla, 4 nəfər dünyasını dəyişdi Azərbaycanın Qazax rayonunda ağır yol-nəqliyyat hadisəsi qeydə alınıb. Hadisə iyunun 5-i gecə saat 03:00 radələrində Abbasbəyli kəndində baş verib.
Daxili İşlər Nazirliyinin Gəncə regional qrupunun yaydığı ilkin məlumata görə, BMW markalı avtomobil idarəetmədən çıxaraq yol kənarındakı divara çırpılıb. Avtomobildə olan dörd nəfər hadisə yerində vəfat edib:
- Ramal Vəliyev, 28 yaş (sürücü)
- Zaur Əhmədov, 25 yaş
- Rafət Nəbiyev, 28 yaş
- Göyüş Nəbiyev, 21 yaş
Həlak olan şəxslərin yaxın qohum olduğu bildirilir. Qəza ilə bağlı Qazax Rayon Polis Şöbəsində cinayət işi başlanıb. Hadisənin səbəblərini müəyyən etmək üçün müvafiq ekspertizalar təyin edilib, istintaq davam etdirilir.
