İsmayıllı rayonunun Gəndov kəndində yerləşən “Family” adlı motel ciddi yanğınla üzləşib.
Daylinews-az.com xəbər verir ki, hadisə ötən gecə baş verib. Fövqəladə Hallar Nazirliyindən bildirilib ki, ümumi sahəsi 1575 m² olan, hər mərtəbəsi və mansardı 525 m² təşkil edən 7 otaqlı, çoxmərtəbəli binanın bir hissəsi alova bürünüb.
Hadisə yerinə İsmayıllı Yanğından Mühafizə Hissəsinin texnikası və şəxsi heyəti cəlb olunub. Nəticədə Qəhrəmanov Nəsib Bahadır oğluna məxsus üçmərtəbəli otelin 3-cü mərtəbəsi, yəni 525 kvadratmetr sahəsi içərisindəki əşyalarla birlikdə tamamilə yanıb.
Motelin digər hissəsi yanğından mühafizə olunub və hadisə nəticəsində xəsarət alan olmayıb. Alov yanğından mühafizə bölmələri tərəfindən söndürülüb.
