Azərbaycanda rusdilli məktəblərin mərhələli şəkildə bağlanacağı ilə bağlı yayılan iddialar cəmiyyətdə geniş rezonansa səbəb olub. Valideynlərin bildirdiyinə görə, bu məsələ ilə əlaqədar məktəblərlə bağlı “WhatsApp” qruplarına bildirişlər göndərilib.
Daylinews-az.comun əldə etdiyi məlumata əsasən, həmin bildirişlərdə rus bölməsi üzrə təhsil verən məktəblərin gələcəkdə ləğv olunacağı və Azərbaycan dilinə keçidlə bağlı hazırlıqların aparıldığı qeyd olunub.
İddialara əsasən planlaşdırılan islahatlar:
- Rusdilli məktəblər mərhələli şəkildə bağlanacaq
- Tədris Azərbaycan dilinə keçəcək
- Müəllimlər üçün ixtisasartırma kursları təşkil ediləcək
- Proses təxminən üç il ərzində tədricən həyata keçiriləcək
Bu qərarın Azərbaycan dilinin əsas tədris vasitəsi kimi möhkəmləndirilməsi və bütün vətəndaşların vahid təhsil sisteminə inteqrasiyası məqsədi daşıdığı vurğulanır.
Rəsmi mövqe gözlənilir
Qeyd edək ki, məsələ ilə bağlı Elm və Təhsil Nazirliyinə rəsmi sorğu ünvanlanıb. Hazırda rəsmi təsdiq və ya təkzib yoxdur.
Mövzu cəmiyyətin müxtəlif təbəqələri arasında müzakirəyə səbəb olub və yaxın günlərdə məsələ ilə bağlı nazirlik tərəfindən aydınlıq gətiriləcəyi gözlənilir.
