Yeni Azərbaycan Partiyasının (YAP) Xətai rayon təşkilatının sədri Vüqar Rəhimzadə və Nərimanov rayon təşkilatının sədri Samir Vəliyev vəzifələrindən azad olunublar.
APA-nın məlumatına görə, bu qərar YAP İdarə Heyətinin bugünkü iclasında qəbul edilib. YAP Sədrinin müavini və Mərkəzi Aparatın rəhbəri Tahir Budaqov qeyd edib ki, bu addım partiyanın VII Qurultayında qəbul edilmiş Nizamnamənin tələblərinə uyğun olaraq atılıb. Hər iki şəxs Milli Məclisin deputatı seçildiyi üçün təşkilat rəhbərliyindən azad edilməlidir. Tahir Budaqov, həmçinin, hər iki şəxsə gələcək fəaliyyətlərində uğurlar arzulayıb.
