İtaliyalı qapıçı Cianluici Donnarumma “Mançester Siti” ilə illik 12 milyon avro maaşlı müqavilə barədə ilkin razılığa gəlib, – La Stampa xəbər verir. Mövcud “PSJ” müqaviləsinə görə 26 yaşlı qolkiper eyni məbləğ qazanır. İndi “şəhərlilər” Paris klubu ilə transfer məbləğini razılaşdırmalıdır. “PSJ” 50 milyon avro istəyir, lakin ingilislər sövdələşməyə ümid edərək ilk təklif kimi 35 milyon avro verməyi planlaşdırır.
Əməliyyat yalnız Edersonun satışı ilə mümkün olacaq – braziliyalı “Qalatasaray”la danışıqlar aparır. Transfer baş tutarsa, Donnarumma “Siti”nin beşinci böyük yay transferi olacaq.
Yayda klub artıq Ticiani Reynders, Rayan Şerki, Rayan Ait-Nuri və Ceyms Trafford-u heyətə qatıb. Əgər 1 sentyabra qədər yeni komanda tapılmazsa, qapıçı yarım mövsümü ehtiyatda keçirməli olacaq ki, bu da onun İtaliya millisindəki yerini təhlükəyə atır.
Donnarumma – Avropa çempionu 2020, “PSJ” ilə Fransa çempionu, kubok, superkubok və Çempionlar Liqası qalibi. 2024/25 mövsümündə 40 oyunda 39 qol buraxıb, 12 dəfə “quru” oynayıb.
