İyunun 15-dən etibarən Azərbaycanda rəsmi çimərlik mövsümü başlayır.
Daylinews-az.com-un məlumatına görə, Bakı Şəhər İcra Hakimiyyətinin tapşırığı əsasında çimərlik sahələrinin təmizlənməsi və hazır vəziyyətə gətirilməsi üçün aidiyyəti qurumlara göstərişlər verilib.
Hazırda Bakı, Sumqayıt, Lənkəran, Xaçmaz və Astara rayonlarında yerləşən çimərliklərdə müvafiq monitorinqlər həyata keçirilir. Bu yoxlamalar çimərliklərin sanitariya vəziyyətinin qiymətləndirilməsi və dəniz suyunun keyfiyyət göstəricilərinin laborator tədqiqi məqsədini daşıyır. Aparılan analizlərin nəticələri yaxın günlərdə ictimaiyyətə açıqlanacaq.
