23–26 iyul tarixlərində Sea Breeze kurortunda baş tutacaq beynəlxalq musiqi festivalı DREAM Fest 2025 öz aparıcılarını açıqlayıb. Daylinews-az.com xəbər verir ki, səhnəni bu dəfə rusiyalı müğənni və teleaparıcı Rehina Todorenko və serbiyalı aktyor Miloş Bikoviç idarə edəcək.
Rehina Todorenko DREAM Fest-ə qayıdır
Rehina Todorenko üçün bu, artıq tanış səhnədir – o, 2024-cü ildə də festivalın aparıcısı olub və səhnədəki enerjisi ilə tamaşaçıların rəğbətini qazanıb. O, əvvəlcədən Bakıya qayıtmaq arzusunu ifadə etmişdi:
“Mən artıq növbəti festivalda yenidən aparıcı olmaq üçün planlar qurmuşam. Hətta qalacağım evi də bron etmişəm. Burada, Bakıda. Festivalın təşkili məni valeh edir,” – deyə o, ötən ilki çıxışından sonra bildirmişdi.
Miloş Bikoviç – ilk dəfə Bakıda
Məşhur serb aktyoru Miloş Bikoviç üçün bu festival ilk çıxış olacaq. Onun iştirakı xüsusilə Müslüm Maqomayevin xatirəsinə həsr olunacaq gecədə nəzərdə tutulub. Bu simvolik və duyğusal məqam, proqramın xüsusi hissəsi kimi yadda qalacaq.
Zəngin proqram: dünya ulduzları bir arada
DREAM Fest 2025 dünya miqyasında tanınan sənətçiləri yenidən Bakı səhnəsində bir araya gətirəcək. Festivalda çıxış edəcək məşhurlar arasında:
- EMIN
- Timati
- JONY
- Egor Krid
- OTTAWAN
- AQUA
- Sandra
- HADDAWAY
- Alsu və digərləri yer alır.
Festival fərqli nəsil və musiqi janrlarını birləşdirərək, regionun ən vacib mədəniyyət hadisələrindən birinə çevrilib.
