Dünən Bakı və ətraf ərazilərdə qar və şaxta şəraitində hərəkət edən 40-dan çox avtobus zədələnib. Zərər əsasən, şəxsi nəqliyyat vasitələri ilə baş verən qəzalar nəticəsində meydana gəlib.
Azərbaycan Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinin (AYNA) verdiyi məlumata görə, avtobus sürücülərinin peşəkarlığı sayəsində bu qəzalar zamanı heç bir sərnişin xəsarət almayıb.
Agentlikdən bildirilib ki, yol hərəkəti iştirakçılarından avtobusların sərnişin daşımalarını maneəsiz həyata keçirmələri üçün şərait yaratmaları xahiş olunur.
Qarlı və şaxtalı hava şəraitinə baxmayaraq, avtobus sürücüləri sərnişinləri təhlükəsiz şəkildə ünvanlarına çatdırmaq üçün böyük səylə çalışıblar.
