“BakuBus” MMC, Azərbaycanın Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinin (AYNA) elan etdiyi tenderin qalibi olaraq Bakı-Naxçıvan marşrutu üzrə sərnişin daşımalarını həyata keçirəcək. 1 yanvar tarixindən etibarən müasir və komfortlu Neoplan markalı avtobuslar Bakı Beynəlxalq Avtovağzal Kompleksindən Naxçıvana və əks istiqamətdə gündəlik reyslərə başlayacaq.
Biletin qiyməti 30 manat təşkil edir. Sərnişinlər biletləri həm biletim.az portalı vasitəsilə onlayn, həm də avtovağzal kassalarından əldə edə bilərlər. Marşrut boyunca məsafə 645 kilometrdir.
Bakı-Naxçıvan marşrutunda sərnişin tələbinə uyğun olaraq reyslərin sayı tənzimlənəcək. 2024-cü il ərzində bu marşrut üzrə təxminən 61 500 sərnişin daşınıb. Yeni xidmət sərnişinlər üçün daha rahat və təhlükəsiz səfərlər təmin etməyi hədəfləyir.
