Çin, Rusiya və Monqoliyanın silahlı qüvvələri “Sərhəd Müdafiəsi Əməkdaşlığı – 2025” adlı ilk birgə sərhəd mühafizə təlimlərini həyata keçirir.
“Çjunqo Szyunhao” informasiya qurumuna istinadən bildirilir ki, bu təlimlər sentyabrın 8-9-da üç ölkənin ortaq sərhəd regionunda, qeyri-müəyyən ərazidə keçirilib. Tədbir sərhədçilərin iştirakı ilə təşkil olunub və üçtərəfli əməkdaşlığın yeni mərhələsini təmsil edir.
Təlimlərin əsas hədəfi sərhəddə yaranan təhlükəsizlik risklərinə qarşı birgə müqavimət yaratmaq, qarşılıqlı etimadı gücləndirmək və strateji tərəfdaşlıq səviyyəsini yüksəltməkdir. Bu, sentyabrın əvvəlində keçirilən üç ölkə liderlərinin sammitindən sonra daha da aktual olmuşdur, çünki orada enerji və infrastruktur layihələri üzərində razılaşma əldə edilmişdir.
Təlim çərçivəsində sərhəd qorunması, birgə kəşfiyyat əməliyyatları, planlaşdırma və koordinasiya modelləri, eləcə də potensial təhdidlərə qarşı birgə zərbə vurma mexanizmləri sınaqdan keçirilib. Əvvəlki illərdə Çin-Monqoliya və Rusiya-Monqoliya arasında ayrı-ayrı təlimlər (məsələn, “Selenga 2025”) keçirilərkən, bu dəfə ilk dəfə üç ölkə bir yerdə iştirak edir.
Əlavə detallar açıqlanmayıb, lakin tədbir regionun sabitliyinə töhfə verəcək.
