1xBet hesab edir ki, obyektiv səbəblər Azərbaycan yığmasına Budapeştdə ümumi sıralamada 14-cü yerdən daha yaxşı nəticə göstərməyə mane oldu.
Yeni nəfəs və perspektivlər var
2024-cü ilin qızıl uğurlarından sonra və gələn il keçiriləcək tarixdə ikinci dəfə ev sahibliyi ediləcək dünya çempionatının ərəfəsində Azərbaycan cüdo azarkeşlərinin gözləntiləri xeyli artıb. Buna görə də builki nəticələr müəyyən məyusluqla qarşılanır. Amma bu təəssürat aldadıcıdır.
Ölkəmizə üç bürünc medal qazandıran idmançılar Zəlim Tsakayev (81 kq‑dək), Elcan Hacıyev (90 kq‑dək) və Zəlim Kotsoyev (100 kq‑dək) oldu. Azərbaycan sonuncu dəfə dünya çempionatında 3-dən çox medalını hələ 2017-ci ildə qazanmışdı. Budapeştdə keçirilən dünya çempionatında cəmi 6 komanda daha çox medal əldə etdi və kişilər arasında ümumi komanda hesabında Azərbaycan 7-ci yeri tutdu.
«Turnirin nəticələrini yaxşı qiymətləndirirəm. Tskayev və Hacıyev üçün bu, dünya çempionatında qazandıqları ilk medallardır. Bu isə o deməkdir ki, bizim yeni adlarımız və yeni nəfəsimiz var. Bu, bizə inam verir ki, ölkəmizdə keçiriləcək dünya çempionatında nəticələrimiz uğurlu olacaq», – Azərbaycan Cüdo Federasiyasının vitse-prezidenti, Pekin Olimpiyasının çempionu Elnur Məmmədli bildirib.
Kim sevindirdi
Bir il əvvəl dünya çempionatında Zelim Tsakayev ilk rəqibinə uduzmuşdu. İndi isə 26 yaşlı idmançı bürünc medal qazandı və bu, 2001-ci ildən bəri 81 kq çəki dərəcəsində ölkəmiz üçün ilk medaldır.
23 yaşlı Eltcan Hacıyev əsl kişilik möcüzəsi nümayiş etdirdi. 2024-cü ilin Avropa çempionu Paris Olimpiadasında aldığı zədə səbəbilə 9 ay yarışlardan kənarda qalmışdı və Budapeştdəki yarışların ərəfəsində cəmi bir neçə gün əvvəl bərpa olunmuşdu. Hacıyev dünya çempionatlarında 90 kq çəki dərəcəsində Azərbaycanın ilk medalını 2010-cu ildən bəri qazandırdı! Yarımfinalda 2024-cü ilin dünya çempionu olan yaponiyalı Goki Tajima ilə görüşdə ona sadəcə təcrübə və fiziki hazırlıq çatmadı. Amma təcrübə zamanla gəlir – odur ki, gələn il Bakıda keçiriləcək ilin əsas turnirində Hacıyev Azərbaycanın əsas ümidlərindən biri olacaq.
Kim zirvəyə mütləq qayıdacaq
2024-cü ildə dünya və Olimpiya çempionu olan Zelim Kotsoyev bu dəfə bürünc medalla kifayətləndi. Amma buna baxmayaraq, o, Hidayət Heydərovun milli rekordunu yenilədi. Kotsoyevin də dünya çempionatlarında bir qızıl və üç bürünc medalı var, lakin bu nəticələri 4 ardıcıl turnirdə qazanıb. Zelim özü də etiraf etdi ki, Budapeştdəki yarışlara həm emosional, həm də fiziki cəhətdən ideal formada çıxmamışdı. Buna baxmayaraq, o, 1/4 finalda Arman Adamyana yalnız mübahisəli hakim qərarı ilə uduzdu: bir çoxları hesab edirdi ki, qarşılaşmanın son saniyələrində azərbaycanlı idmançı ippon qazanmağa layiq idi, vadza-ari yox.
10 aylıq fasilə 2024-cü il Olimpiya çempionu və ötənilki dünya qalibi Hidayət Heydərovun formasında özünü göstərdi – o, ilk görüşdəcə məğlub oldu. Azərbaycan yığmasında demək olar ki, heç kim ideal vəziyyətdə deyildi, bu isə qarışıq komanda yarışlarında Almaniyaya 1:4 hesablı məğlubiyyətlə nəticələndi. Yeganə qələbəni məhz Kotsoyev qazandı. Amma həm Kotsoyev, həm də Heydərov hələ son sözünü deməyən, doğma Bakıda keçiriləcək növbəti dünya çempionatında öz ustalığını nümayiş etdirməyə tam motivasiya olunmuş doğma çempionlardır.
Azərbaycanın digər beş nümayəndəsi arasında medala ən yaxın olan yalnız Uşangi Kokauri idi. Lakin Bakı-2018-in gümüş mükafatçısı artıq 33 yaşındadır – yığmada rəqabətə davam gətirmək onun üçün asan olmayacaq. Məsələn, bu il Avropa çempionatında bürünc medal qazanan 25 yaşlı Rəşid Məmmədəliyev dünya çempionatında iki rəqibini məğlub etməyi bacardı. Qadınlardan ibarət Azərbaycan yığmasının dörd təmsilçisindən isə yalnız Leyla Əliyeva ən azı bir qələbə əldə edə bildi.
Azərbaycanın ən yaxşı cüdoçularını 1xBet Azərbaycan ilə birlikdə dəstəklə!
