J qrupunun son qarşılaşmasında Argentina İordaniyanı 3:1 hesabı ilə məğlub edərək üç oyunda üçüncü qələbəsini qazandı. Cənubi amerikalılar 9 xalla qrup lideri kimi pley-off mərhələsinə yüksəldilər, İordaniya isə xal qazana bilmədən mundialla vidalaşdı.
Argentina ilk hissədə Covanni Lo Çelso və Lautaro Martinesin penalti qolu ilə üstünlük əldə etdi. Fasilədən sonra Musa Əl-Taamari hesab arasındakı fərqi azaltdı. Lakin 60-cı dəqiqədə meydana daxil olan Lionel Messi son nöqtəni qoyaraq turnirdəki altıncı qolunu vurdu və komandasının rahat qələbəsini rəsmiləşdirdi.
DR Konqo geridönüşlə növbəti mərhələyə yüksəldi
K qrupunda DR Konqo Özbəkistana qarşı keçirdiyi oyunda 3:1 hesablı qələbə qazanaraq tarixində ilk dəfə dünya çempionatının pley-off mərhələsinə vəsiqə əldə etdi. Afrika təmsilçisi erkən qolu buraxsa da, ikinci hissədə oyunun taleyini tam dəyişməyi bacardı.
Özbəkistanı ilk dəqiqələrdə Eldor Şomurodov hesabda önə çıxardı. Fasilədən sonra isə Yoan Vissa əvvəlcə penaltidən hesabı bərabərləşdirdi, daha sonra əlavə vaxtda dubla imza atdı. Fiston Mayele isə 78-ci dəqiqədə komandasının ikinci qolunu vuraraq geridönüşün əsas memarlarından biri oldu.
DÇ-2026. K qrupu. 3-cü tur
Əlcəzair və Avstriya hərəyə bir xal qazandı
J qrupunun digər maraqlı qarşılaşması Əlcəzair və Avstriya arasında baş tutdu və tərəflər 3:3 hesablı məhsuldar heç-heçəyə razılaşdılar. Bu nəticə hər iki komandaya pley-off mərhələsinə yüksəlmək üçün kifayət etdi. Avstriya ikinci pilləni tutdu, Əlcəzair isə ən yaxşı üçüncü komandalar arasında yer aldı.
Görüş ərzində hesab bir neçə dəfə dəyişdi. Marko Arnautoviç və Marsel Sabitser Avstriyanın qollarını vurarkən, Əlcəzair Belqali və Riyad Mahrezin dəqiq zərbələri ilə cavab verdi. Mahrezin əlavə vaxtda vurduğu qol afrikalıları qələbəyə yaxınlaşdırsa da, Saşa Kalaydjiç 90+6-cı dəqiqədə hesabı bərabərləşdirərək dramatik qarşılaşmanın yekun nəticəsini müəyyənləşdirdi.
DÇ-2026. J qrupu. 3-cü tur
