Milli Məclisin Regional məsələlər komitəsi Əmək Məcəlləsinə Azərbaycanın Beynəlxalq Əmək Təşkilatının (BƏT) ratifikasiya etdiyi konvensiyalara uyğunlaşdırma təkliflərini müzakirə edib. Dəyişikliklərə “ailə vəzifələri olan işçi” və “minimum əmək haqqı” anlayışlarının daxil edilməsi nəzərdə tutulur. Həmçinin BƏT-in 165-ci Tövsiyəsinə uyğun olaraq 94-cü maddə yenidən işlənəcək – vakant vəzifələr açıldıqda və ya natamam iş vaxtı zəruriliyi aradan qalxdıqda işəgötürən işçiyə tam vaxt təklif etməlidir.
Analığın mühafizəsi Konvensiyasına uyğun yeni müddə ilə hamiləliyin və doğuş məzuniyyətinin doğuşdan əvvəlki hissəsi uşağın doğulduğu günə qədər uzadılacaq, lakin sonrakı hissə qısalmayacaq. Kişilərə isə tibb arayışına əsasən doğuşla bağlı cəmi 14 təqvimgünü ödənişli məzuniyyət verilir. Bundan əlavə işəgötürənin yazılı xəbərdarlığından sonra işçi əmək məzuniyyəti cədvəlinə riayət etməsə, müvafiq ilin məzuniyyətinə avtomatik göndərilə bilər.
Bu dəyişikliklər Azərbaycanın beynəlxalq əmək standartlarına tam uyğunlaşmasını təmin edəcək. BƏT-in Layiqli Əmək üzrə 2025-2029 Ölkə Proqramı çərçivəsində əmək hüquqları, sosial müdafiə və dialoq sahələrində inkişaf planlaşdırılır. Komitədə qeyd olundu ki, ölkə 59 BƏT konvensiyasını ratifikasiya etmişdir.
