Fövqəladə Hallar Nazirliyinin Dövlət Yanğından Mühafizə Xidmətinin təşəbbüsü ilə Suraxanı, Qəbələ, Saatlı rayonlarındakı 1 nömrəli Xüsusi Təyinatlı Yanğından Mühafizə hissələri “açıq qapı günü” çərçivəsində tədbirlər həyata keçirib.
Qafqazinfo-nun məlumatına görə, “My Garden”, “Piter Pen”, “İndigo” və “Dəniz” uşaq bağçalarının balacaları, onların tərbiyəçiləri, Bakı şəhəri Saatlı 2 nömrəli tam orta məktəbin şagird və müəllimləri, həmçinin Qəbələ Dövlət Peşə Təhsil Mərkəzinin kollektivi tədbirdə aktiv iştirak edib. Bu fəaliyyətin əsas məqsədləri uşaqların hərtərəfli inkişafını təmin etmək, onların fiziki və mənəvi sağlamlığını dəstəkləmək, təhlükəsiz həyat mədəniyyətinin təşviqi və yanğın təhlükəsizliyi biliklərinin artırılmasıdır. Eyni zamanda, yanğınsöndürənlərin peşə fəaliyyətləri barədə maarifləndirmə aparılıb.
Tədbirdə iştirakçılara yanğınsöndürmə hissələrinin iş rejimi və gündəlik fəaliyyətləri haqqında geniş məlumat verilib. Onlara ilkin yanğınsöndürmə vasitələrinin istifadə qaydaları göstərilib, əməkdaşların məşqləri əyani şəkildə nümayiş etdirilib. Uşaqlar fövqəladə hallar zamanı istifadə olunan müxtəlif yanğınsöndürmə və qəza-xilasetmə avadanlıqları ilə yaxından tanış olublar. Eyni zamanda, təhlükəsiz davranış qaydaları barədə ətraflı məlumatlandırılıblar.
“Tədbirin sonunda uşaqların maraqlandıran suallarına cavablar verildi və onların bu vacib mövzuda bilikləri daha da artırıldı”, – deyə məlumatda vurğulanıb.
Bu təşəbbüs FHN-in öncül layihələrindən biri olaraq, cəmiyyətin təhlükəsizlik mədəniyyətinin formalaşmasına mühüm töhfə verir.
