Alimlər yaxın həftəsonu üçün maqnit qasırğalarının yenilənmiş proqnozunu açıqlayıblar. Bu dəfə gözlənilən geomaqnit aktivlik güclü olmasa da, həssas insanlarda sağlamlıq problemlərinə səbəb ola bilər. Bu səbəbdən, hansı günlərdə maqnit aktivliyinin daha yüksək olacağını və sağlamlığımızı necə qorumağın mümkün olduğunu bilmək vacibdir.
Mayın 16-dan 19-na kimi maqnit qasırğaları proqnozu
- 16 may, cümə: Zəif maqnit aktivliyi (Kp-3) gözlənilir.
- 17 may, şənbə: Aktivlik orta səviyyəyə yüksələcək (Kp-4), təzyiq dəyişiklikləri və yüngül narahatlıqlar ola bilər.
- 18 may, bazar: Orta səviyyədə maqnit qasırğası (Kp-4) davam edəcək, bəzi bölgələrdə qısa müddətli geomaqnit narahatlıqlar mümkündür.
- 19 may, bazar ertəsi: Aktivlik yenidən zəifləyəcək və sağlamlığa təsiri nəzərə çarpacaq dərəcədə olmayacaq.
Maqnit qasırğası nədir və necə yaranır?
Maqnit qasırğaları Günəşin səthindən plasmanın atılması nəticəsində yaranır. Bu plazma Yerə çatdıqda planetimizin maqnit sahəsində narahatlıqlar yaradır. Bu hadisələr radio rabitəsinə, peyklərə və ən əsası insanların sağlamlığına təsir edə bilir.
Kimlər risk altındadır?
Bu günlərdə aşağıdakı qruplar daha çox təsirə məruz qala bilər:
- Xroniki xəstəlikləri olanlar
- Hipertoniyadan əziyyət çəkənlər
- Hava dəyişikliklərinə həssas insanlar
- Hamilə qadınlar
- Uşaqlar və yaşlılar
Ən çox rast gəlinən simptomlar:
- Baş ağrısı və başgicəllənmə
- Təzyiq dəyişmələri
- Yuxusuzluq və ya həddindən artıq yuxululuq
- Əsəbilik, apatiya
- Yorğunluq və diqqət pozuntusu
- Xroniki xəstəliklərin kəskinləşməsi
Sağlamlığa təsiri necə azaltmaq olar?
Maqnit qasırğalarının təsirini minimuma endirmək üçün:
- Gecə 7-9 saat yuxu almağa çalışın, ən gec saat 23:00-da yatmağa gedin
- Bol su için
- Qəhvə, alkoqol və sürətli qidalanmanı məhdudlaşdırın
- Fiziki və emosional yüklənməni azaldın
- Təmiz havada daha çox vaxt keçirin
- Otaqları mütəmadi havalandırın
- Axşam saatlarında cihazlardan istifadəni minimuma endirin
- Stress və emosional dəyişikliklərdən uzaq durun
Xroniki xəstəlikləri olan şəxslər isə xüsusilə öz vəziyyətlərini izləməli, təzyiqi və ümumi sağlamlığı diqqətdə saxlamalıdırlar. Özlərini pis hiss etdikdə həkimə müraciət etmələri tövsiyə olunur.
