Sosial şəbəkələrdə Bakı Metropolitenində tələbə kartları ilə təmassız ödəniş sisteminin test rejimində istifadəyə verilməsi barədə məlumatlar yayılıb. Məsələ ilə bağlı AzEdu.az Təhsil Portalı Bakı Metropoliteninə sorğu ünvanlayıb.
Rəsmi açıqlamada bildirilib ki, Bakı Metropolitenində sərnişinlərin ödənişini bank kartları vasitəsilə təmassız şəkildə həyata keçirmək imkanı ilk dəfə tətbiq olunur. Layihə BakıKART və Bakı Metropoliteni tərəfindən pilot layihə kimi idarə edilir və ilkin mərhələdə test prosesi “Kapital Bank”a məxsus tələbə kartları üzərində aparılır.
Yeni sistemdə iştirak edən Azərbaycan Dövlət İqtisad Universitetinin tələbələri aşağıdakı tövsiyələrə diqqət yetirməlidirlər:
Pilot mərhələdə hər hansı texniki çətinlik yaranarsa, alternativ olaraq BakıKART kimi digər ödəniş üsullarından istifadə etməyiniz tövsiyə olunur.
Balanssız kartlardan istifadə zamanı kart bloklana bilər, beləliklə yalnız balansı olan kartlardan istifadə sağlamdır.
Sistemlə bağlı sual və ya problem yaranarsa, Bakı Metropoliteninin rəsmi sosial media hesabları və ya [email protected] ünvanı ilə əlaqə saxlamaq mümkündür.
Bu yenilik tələbələr üçün metro gediş-gəlişini daha rahat və sürətli edəcək.
