UEFA Çempionlar Liqasının əsas mərhələsində baş tutacaq “Qarabağ” – “Çelsi” qarşılaşmasının biletləri artıq satışdadır. Azərbaycan futbolunun ən çox gözlənilən oyunlarından biri olan bu görüş üçün azarkeşlər böyük maraq göstərir.
Daylinews-az.com xəbər verir ki, biletlərin satışına bu gün saat 15:00-da start verilib. Oyuna marağın yüksək olması səbəbindən biletlərin qısa müddətdə tükənəcəyi gözlənilir.
Matç üçün biletlər bir neçə kateqoriyada təqdim olunur:
- Standart sektorlar: 10, 15, 25, 35, 40, 50 və 75 manat
- VIP sektorlar: 200, 250, 300 və 400 manat
- VVIP sektorlar: 1000 manat
Biletləri yalnız iTicket.az platformasının rəsmi saytı və mobil tətbiqi vasitəsilə əldə etmək mümkündür.
Oyun haqqında məlumat
“Qarabağ” və “Çelsi” arasında baş tutacaq qarşılaşma noyabrın 5-də Tofiq Bəhramov adına Respublika stadionunda keçiriləcək. Görüşün start fiti saat 21:45-də səslənəcək.
Bu oyun “Qarabağ” üçün qrup mərhələsində həlledici qarşılaşmalardan biri olacaq və yerli azarkeşlər İngiltərə nəhəngi “Çelsi” ilə görüşü səbirsizliklə gözləyirlər.
