«Real Madrid»in əfsanəsi Serxio Ramos futbol karyerasından kənarda yeni addım ataraq «CIBELES» adlı ilk rəsmi mahnısını təqdim edib.
Bu buraxılış Ramosun musiqi sahəsindəki fəaliyyətində mühüm mərhələdir. O, daha əvvəl Los Yakis və Carín León kimi ifaçılarla əməkdaşlıq etmişdi.
Mahnının adı və simvolizmi
Trek Madriddəki ən məşhur simvollardan biri olan Fuente de Cibeles fəvvarəsinə işarə edir. Bu meydan «Real Madrid» azarkeşləri üçün xüsusi əhəmiyyət daşıyır, çünki klubun böyük qələbələri məhz burada qeyd olunur.
Elə buna görə də mahnının adı Madrid fanatları üçün rəmzi məna daşıyır və Ramosun «Real»a olan bağlılığını bir daha vurğulayır.
