Şabran rayonunda baş verən açıq ərazi yanğını operativ müdaxilə ilə nəzarət altına alınıb və söndürülüb.
Daylinews-az.comun məlumatına görə, bu barədə Fövqəladə Hallar Nazirliyi (FHN) rəsmi açıqlama yayıb.Bildirilib ki, FHN-in “112” qaynar xəttinə Şabran rayonunun Dəvəçi kəndində açıq ərazidə yanğın baş verməsi barədə məlumat daxil olub. Çağırış əsasında Dövlət Yanğından Mühafizə Xidmətinin əməkdaşları dərhal hadisə yerinə cəlb olunublar.
Yanğınsöndürənlərin çevik müdaxiləsi nəticəsində yanğının daha geniş sahəyə yayılmasının qarşısı alınıb və alov qısa zamanda tam söndürülüb.
Hadisə nəticəsində 2 hektar sahədə yol kənarındakı kol-kos və biçin aparılmış taxıl sahəsi yanıb. Ətraf ərazilər isə vaxtında görülən tədbirlər nəticəsində yanğından qorunub.
