Dövlət İmtahan Mərkəzi (DİM) xüsusi hazırlıq keçmiş və şəhadətnamə almaq istəyən taksi sürücüləri üçün noyabrın 20-də yeni imtahan təşkil edib.
DİM-in məlumatına görə, sürücülər 23 oktyabr saat 11:00-dan 7 noyabr saat 12:00-ya qədər qeydiyyatdan keçməlidirlər. Qeydiyyat üçün əvvəlcə DİM-in saytında “Şəxsi kabinet” açılmalı, sonra “Taksi sürücülərinin etik davranış və nəqliyyat qaydaları üzrə test imtahanı üçün qeydiyyat” xidməti vasitəsilə proses tamamlanmalıdır. Kabinet açma və vəsait əlavə etmə təlimatları saytda mövcuddur.
İmtahan ödənişlidir. Kabinet açıldıqdan sonra pul hesabına 35 manat əlavə edilməlidir. Qeydiyyatdan keçib imtahana gəlməyənlerin ödənişi geri qaytarılmayacaq. İmtahan Bakı, Binəqədi rayonu, S.S.Axundov küçəsi 50-də (TÜRKPA yaxınlığında) və Gəncə, Vaqif Əliyev adına 12-ci məktəbdə keçiriləcək. “İmtahana buraxılış vərəqi” imtahandan 3 gün əvvəl saytdan çap oluna bilər.
İmtahan 1 saat davam edəcək və 20 test tapşırığı əhatə edəcək. Rəqəmsal İnkişaf və Nəqliyyat Nazirliyinin müəyyən etdiyi proqram əsasında sürücülərin etik davranış və nəqliyyat qaydaları qiymətləndiriləcək. Hər doğru cavab 1 bal, səhv cavablar təsir etməyəcək. 10 və ya daha çox bal toplayanlar imtahanı keçib, 7 illik şəhadətnamə alacaqlar. 2025-ci ildə oxşar imtahanlarda 80% namizəd müvəffəqiyyət qazanıb.
