Elm adamlarının xəbərdarlığına əsasən, 5 iyun tarixində Yer kürəsini daha bir maqnit qasırğası bürüyəcək.
Daylinews-az.com xəbər verir ki, bu barədə Rusiya Elmlər Akademiyasının Sibir bölməsinin Kosmik Tədqiqatlar və Günəş-Yer Fizikası institutlarının rəsmi saytında məlumat verilib.
Məlumata görə, bu dəfəki maqnit qasırğası G1 səviyyəsində olacaq. Bu, zəif təsirli qasırğa hesab olunur. Hadisənin pik nöqtəsi səhər saat 07:00-da (Bakı vaxtı ilə) gözlənilir.
Qeyd edək ki, G1 səviyyəli maqnit qasırğaları, adətən, insan sağlamlığına ciddi təsir göstərmir, lakin meteohəssas şəxslərdə yüngül baş ağrısı, yorğunluq və yuxusuzluq halları yarana bilər.
