Milli Hidrometeorologiya Xidmətinin məlumatına əsasən, aprelin 24-də Bakıda və Abşeron yarımadasında dəyişkən buludlu, bəzi saatlarda tutqun hava gözlənilir. Yağıntı ehtimalı azdır, lakin gecə saatlarında və səhərə yaxın bəzi yerlərdə qısa müddətli yağış və ildırım ola bilər. Gecə və səhər saatlarında duman müşahidə olunacaq. Gün ərzində cənub-şərq küləyi əsəcək, daha sonra isə şimal-qərb küləyi ilə əvəz olunacaq.
Havanın temperaturu Abşeronda və paytaxtda gecə 11-15°, gündüz isə 20-25° isti olacaq.
Atmosfer təzyiqi 756 mm civə sütunu təşkil edəcək. Nisbi rütubət gecə 70-80%, gündüz isə 50-55% olacaq.
Bölgələrdə hava durumu
Respublikanın əksər rayonlarında əsasən yağmursuz hava şəraiti gözlənilir. Lakin günün birinci yarısında şimal və qərb bölgələrində leysan xarakterli yağışlar, bəzi yerlərdə isə dolu və güclü yağıntılar müşahidə oluna bilər. Dağlıq ərazilərdə isə qar yağıntısı ehtimalı var. Gecə və səhər saatlarında duman olacaq. Qərb küləyi bəzi bölgələrdə arabir güclənəcək.
Temperatur göstəriciləri:
• Aran rayonlarında gecə 13-18°, gündüz 25-30° isti olacaq.
• Dağlıq ərazilərdə gecə 5-10°, gündüz isə 15-20° isti müşahidə olunacaq.
