Karyerasını başa vurmuş dünya futbolunun əfsanəvi ulduzu Məsut Özil Bakıya gəlir.
Daylinews-az.com-ın məlumatına görə, bu səfərin təşkilatçısı “Qarabağ” Futbol Klubudur. Klubun rəsmi açıqlamasında bildirilib ki, Məsut Özil komandamızın açıq məşqində qonaq olacaq və gənc futbolçularla əyləncəli bir oyunda iştirak edəcək.
“Qarabağ” FK-nın açıqlamasında deyilir:
“Əziz azarkeşlərimiz!
Adını futbol tarixinə qızıl hərflərlə yazdırmış Mesut Özil qonağımız olacaq! Komandamızın açıq məşqindən sonra dünya futbolunun sevilən ulduzu gənc futbolçularımızla maraqlı bir oyunda üz-üzə gələcək. Bu əyləncəli futbol şousunu qaçırmayın!”
Tədbir oktyabrın 11-də, saat 16:30-da “Azersun Arena”da keçiriləcək və giriş sərbəstdir. “Qarabağ” FK bütün futbolsevərləri bu unikal tədbirə dəvət edir.
