Azərbaycanın Əməkdar artisti Cabir İmanov vəfat edib. Onun yaxınlarının verdiyi məlumata görə, İmanov idman zalında məşq edərkən infarkt keçirib və həyatını itirib.
Əməkdar artistin səhhətində problemlərin olduğu barədə saat 13:38-də Səbail rayonu, Üzeyir Hacıbəyli küçəsi ərazisindən təcili tibbi yardım çağırışı daxil olub. Hadisə yerinə dərhal yardım qrupunun gəlişi ilə saat 13:50-də onun həkiməqədər həyatını itirdiyi təsdiqlənib.
Cabir İmanov 22 iyun 1976-cı ildə Bakı şəhərində anadan olub. O, 1983-1993-cü illərdə 189 saylı məktəbdə təhsil alıb. 1993-cü ildə Azərbaycan Dövlət İqtisad İnstitutuna daxil olub və 1997-ci ildə oranı bitirib.
İmanov 1992-2001-ci illərdə “Parni iz Baku” şən hazırcavablar klubunun üzvü olub. 1992-ci ildə KVN çempionu, 1995-ci ildə Şən Hazırcavablar Klubunun Yay Kubokunun sahibi, 2000-ci ildə isə “Əsrin Çempionu” seçilib. 2001-ci ildən etibarən “Planet Parni iz Baku” Teatrının aktyoru kimi fəaliyyət göstərib. 2015-ci ildə ona Azərbaycanın Əməkdar artisti fəxri adı verilib, 2021-ci ildə isə mədəniyyət sahəsində xidmətlərinə görə “Tərəqqi” medalı ilə təltif olunub.
Ailəli olan Əməkdar artistin dörd övladı var.
