Azərbaycanda 2026-cı ildən 2029-cu ilə qədər olan dövr üçün yaşayış minimumunun məbləği açıqlanıb. Bu barədə Milli Məclisin Əmək və sosial siyasət və İqtisadi siyasət, sənaye və sahibkarlıq komitələrinin birgə iclasında iqtisadiyyat nazirinin müavini Səməd Bəşirli məlumat verib.
Nazir müavini bildirib ki, göstərilən dövrü əhatə edən illərdə ölkə üzrə yaşayış minimumunun dəyəri 2026-cı ildə 300 manat, 2027-də 311 manat, 2028-də 325 manat və 2029-cu ildə isə 338 manat səviyyəsində proqnozlaşdırılıb.
Bu göstəricilər sosial siyasətin əsas tərkib hissəsi kimi gələcək dövr üçün əhalinin minimum təminatının səviyyəsini müəyyən edir və büdcənin sosial istiqamətinə yönəlmiş planlamada əhəmiyyətli yer tutur.
