Yeni il bayramı yaxınlaşır və “NARGIS” Nəşriyyat Evi ənənəvi “Gingerbread City” layihəsini bu il Azərbaycan bayrağının simvolları – aypara və səkkizguşə ulduzdan ilhamlanaraq “Winter in Azerbaijan” adlandırılmış sərgi ilə yenidən təqdim edib. Dekabrın 1-də “Port Baku Mall”da başlayaraq 15 yanvar 2026-ya qədər davam edəcək sərgi giriş ödənişsizdir.
“NARGIS” jurnalının baş redaktoru Ülviyyə Mahmudanın ideyası ilə həyata keçirilən tədbirdə Bakı abidələri və milli ənənələr miniatür şirniyyat və memarlıq maketləri formasında nümayiş etdirilir. Azərbaycanın peşəkar şirniyyatçıları və memarları tərəfindən hazırlanacaq kompozisiya ölkə rəmzlərini və zəngin mədəni irsi əks etdirəcək. Sərgi beynəlxalq səviyyədə təqdim edilməklə mədəniyyətimizin xarici auditoriyaya tanıdılmasına töhfə verəcək.
Nəşriyyat evi tədbiri dəstəkləyən təşkilatlara minnətdarlığını bildirmişdir:
- “Azərbaycan Hava Yolları” QSC
- “Azərbaycan Dəmir Yolları” QSC
- “Azərpoçt” MMC
- “Bakı Metropoliteni” QSC
- Fövqəladə Hallar Nazirliyi
- Bakı Şəhər Halqası Əməliyyat Şirkəti
- “Wolt”, “MasterCard”, “Push30” MMC
- “Miniboss Business School”, “Medsol” MMC
- “Kidsberry”, “Glodemia”, “İTicket” MMC
- “The Attack” kafesi və “Nanas” restoranı
Məkan təmin etdiyi üçün “Port Baku Mall”a xüsusi təşəkkür edilib. Sərgi yeni il əhval-ruhiyyəsini yaşamaq və milli simvolları unikal formada görmək istəyənlər üçün ideal fürsətdir.
