Azərbaycan çempionu “Qarabağ” bu gün növbəti avrokubok oyununa çıxacaq.
Daylinews-az.com-in verdiyi məlumata görə, Qurban Qurbanovun rəhbərlik etdiyi komanda UEFA Avropa Liqasının Liqa mərhələsinin III turunda Niderlandın “Ayaks” klubu ilə qarşılaşacaq. Görüş Tofiq Bəhramov adına Respublika Stadionunda saat 20:45-də baş tutacaq. İlk iki oyunda məğlub olan “Qarabağ” bu qarşılaşmada uğursuz seriyanı qırmağa çalışacaq.
Xatırladaq ki, Ağdam təmsilçisi əvvəlki matçlarda “Tottenhem”ə 0:3, “Malmö”yə isə 1:2 hesabı ilə məğlub olub. “Qarabağ” növbəti matçını noyabrın 7-də səfərdə “Bodo Qlimt”ə qarşı keçirəcək.
Avropa Liqası, Liqa mərhələsi, III tur
24 oktyabr
20:45. “Qarabağ” – “Ayaks”
Baş hakim: Nikolas Uolş (Şotlandiya)
Tofiq Bəhramov adına Respublika Stadionu
