2024-cü il avqustun 23-də Daşkənddə imzalanan iki saziş Azərbaycan Prezidenti İlham Əliyevin imzaladığı Fərmanla təsdiqlənib.
Daylinews-az.com xəbər verir ki, bu sazişlərdən birincisi Azərbaycan Daxili İşlər Nazirliyi ilə Özbəkistan Milli Qvardiyası arasında əməkdaşlıq haqqındadır. Bu saziş qüvvəyə mindikdən sonra Azərbaycan Daxili İşlər Nazirliyi sazişin müddəalarının icrasını təmin edəcək. Azərbaycan Xarici İşlər Nazirliyi isə sazişin qüvvəyə minməsi ilə bağlı Özbəkistan tərəfinə bildiriş göndərəcək.
Prezidentin digər Fərmanı ilə Azərbaycan və Özbəkistan arasında vətəndaşlarının müvəqqəti işləməsi, onların əmək fəaliyyəti və hüquqlarının müdafiəsi ilə bağlı əməkdaşlıq sazişi də təsdiqlənib.
