Məşhur duet mahnısı yayımlandı: Röya və Rüfət fanatlarına sürpriz
Xalq artisti Röya Ayxan və sevilən ifaçı Rüfət Axundov uzun zamandır gözlənilən “Şəhzadəm” adlı duetlərini pərəstişkarlarının ixtiyarına verib.
Daylinews-az.com-ın məlumatına görə, sözləri Orxan Mürvətliyə, musiqisi Fərid Kərimliyə aid olan mahnının klipi məşhur türkiyəli rejissor Orçun Mutlu tərəfindən hazırlanıb. Pandemiya dövründə çəkilən klipdə bir sıra texniki problemlər yaranıb, nəticədə həm klip, həm də mahnı silinib. Yenidən çəkilən və bu dəfə də uğurla təqdim edilən klip artıq bütün rəqəmsal platformalarda yerləşdirilib.
Rüfət Axundov klipin təqdimatı ilə bağlı Röya Ayxana təşəkkür edib: “Üç illik aradan sonra nəhayət, klip işıq üzü gördü. Bu başıbəlalı klipimiz ilk dəfə Türkiyədə çəkilmişdi, ancaq texniki problemlər oldu. Yenidən çəkdik və bu dəfə hər şey əla alındı. Röya xanıma dərin təşəkkürlərimi bildirirəm, inanıram ki, tamaşaçılar bəyənəcək.”
Röya Ayxan isə klipin nə olursa olsun işıq üzü görməsi üçün Rüfət Axundova verdiyi sözü tutduğunu bildirib: “Mən Rüfətin ailəsi, bacısı və dostuyam. 3 il əvvəl söz verdiyim kimi, qismət bu günə imiş,” deyə o, öz dostuna dəstəyini ifadə edib.
