Azərbaycan Premyer Liqasında “Qarabağ” komandası 150-ci dəfə böyükhesablı qələbə qazanaraq, tarixi bir uğura imza atıb. Daylinews-az.com xəbər verir ki, bu nailiyyət Misli Premyer Liqasının 11-ci turunda “Şamaxı” üzərində 3:0 hesablı qələbə ilə gerçəkləşib. Beləliklə, 1992-ci ildən bəri ölkə çempionatlarının daimi iştirakçısı olan Ağdam təmsilçisi Azərbaycan çempionatlarında ən çox böyükhesablı qələbə qazanan komanda olub.
Qeyd edək ki, “Qarabağ”ın ilk böyükhesablı qələbəsi də 1992-ci ilə təsadüf edib. Həmin il, mayın 6-da komanda Kürdəmirin “Şirvan” klubunu 6:0 hesabı ilə məğlub edərək bu ənənənin əsasını qoyub.
