Azərbaycan Mərkəzi Bankı (AMB) bu həftə uçot faiz dərəcəsi ilə bağlı yeni qərarını açıqlayacaq.
Daylinews-az xəbər verir ki, AMB bu il ərzində faiz dərəcəsi ilə bağlı yeddinci qərarını noyabrın 1-də elan edəcək.
Son üç qərarında Mərkəzi Bank uçot dərəcəsini sabit saxlayıb, onu 7,25%, faiz dəhlizinin aşağı həddini 6,25%, yuxarı həddini isə 8,25% səviyyəsində müəyyən edib.
AMB bildirib ki, faiz dəhlizinin parametrlərinə dair növbəti qərarlar faktiki və proqnozlaşdırılan inflyasiya göstəriciləri, eləcə də xarici və daxili risk amillərinin dəyişkənliyi əsasında veriləcək.
