Yaz ayları təbiətin yenilənməsi ilə yanaşı, qidalanma vərdişlərini də daha sağlam istiqamətə yönəltmək üçün ideal dövrdür. Bu mövsümdə bazarlarda bol olan təzə tərəvəzlər orqanizmi vitamin və minerallarla təmin etməklə yanaşı, ümumi sağlamlığı da gücləndirir. Dietoloq və nutrisiyoloq Marina Yankiv yaz aylarında rasiona daxil edilməli olan 8 əsas tərəvəzi tövsiyə edir.
Orqanizm üçün faydalı yaz tərəvəzləri
1. Turp
Turp orqanizmi təravətləndirir, həzmi sürətləndirir və tərkibindəki antioksidantlar sayəsində damarları qoruyur. Lif və kalium baxımından zəngindir, bu isə ürək sağlamlığı üçün mühüm rol oynayır.
100 qramda: zülal — 1,2 q, yağ — 0,1 q, karbohidrat — 3,4 q, 16 kkal.
Qlisemik indeks: 15.
2. İspanaq
İspanaq yaz mövsümünün ən dəyərli göyərtilərindən biridir. Tərkibindəki dəmir sayəsində anemiyaya qarşı faydalıdır və enerji verir. Qan şəkərinin tənzimlənməsinə də kömək edir.
100 qramda: 2,9 q zülal, 0,4 q yağ, 1,1 q karbohidrat, 23 kkal.
Qlisemik indeks: 15.
3. Qulançar
Qulançar maddələr mübadiləsini sürətləndirir, qaraciyəri təmizləyir və qan şəkərinin stabil saxlanmasına yardım edir. Aşağı kalorili olması ilə seçilir.
100 qramda: 2,4 q zülal, 0,2 q yağ, 3,9 q karbohidrat, 20 kkal.
Qlisemik indeks: 15.
4. Kələm
Cavan kələm yüngül və şirəli olmaqla yanaşı, az kalorilidir. Həzm sisteminə müsbət təsir göstərir və immuniteti gücləndirir.
100 qramda: 1,3 q zülal, 0,1 q yağ, 5,4 q karbohidrat, 25 kkal.
Qlisemik indeks: 15.
5. Yaşıl noxud
Yaşıl noxud bitki mənşəli zülal mənbəyidir və uzun müddət toxluq hissi yaradır. Liflə zəngin olduğu üçün həzmi dəstəkləyir və qan şəkərinin səviyyəsini nəzarətdə saxlayır.
100 qramda: 5,4 q zülal, 0,4 q yağ, 14,5 q karbohidrat, 81 kkal.
Qlisemik indeks: 22.
6. Ravənd
Ravənd bağırsaqları təmizləyir, sümükləri möhkəmləndirir və bədən çəkisinin tənzimlənməsinə kömək edir.
100 qramda: 0,9 q zülal, 0,2 q yağ, 4,5 q karbohidrat, 21 kkal.
Qlisemik indeks: 15.
7. Xiyar
Xiyar xüsusilə arıqlamaq istəyənlər üçün ideal tərəvəzdir. Orqanizmi nəmləndirir, artıq mayenin xaric olunmasına kömək edir və ürək sağlamlığını dəstəkləyir.
100 qramda: 0,8 q zülal, 0,1 q yağ, 3,6 q karbohidrat, 15 kkal.
Qlisemik indeks: 15.
8. Turşəng
Turşəng yaz aylarında ən faydalı göyərtilərdən hesab olunur. Vitamin C ilə zəngindir, orqanizmə enerji verir və turşu-qələvi balansını qorumağa kömək edir.
100 qramda: 2,0 q zülal, 0,7 q yağ, 3,2 q karbohidrat, 22 kkal.
Qlisemik indeks: 15.
Yaz mövsümündə bu tərəvəzləri gündəlik qidalanmaya əlavə etmək həm dad baxımından zənginlik yaradır, həm də sağlam həyat tərzini dəstəkləyir. Müxtəlif vitamin və minerallarla zəngin olan bu məhsullar immun sistemini gücləndirir və bədəni enerji ilə təmin edir.
