Bu ilin yanvar-sentyabr aylarında Azərbaycandan 139 milyon 600 min ABŞ dolları dəyərində pomidor ixrac edilib.
Daylinews-az.com məlumatına görə, bu barədə İqtisadi İslahatların Təhlili və Kommunikasiya Mərkəzinin (İİTKM) “İxrac İcmalı”nın oktyabr buraxılışında qeyd olunub.
Bu göstərici 2023-cü ilin eyni dövrü ilə müqayisədə 12,3% artım deməkdir.
Qeyd edək ki, Azərbaycan ötən il ümumilikdə 162 milyon ABŞ dolları dəyərində pomidor ixrac edib.
