Avropa İttifaqı (Aİ) Gürcüstana qarşı sanksiya tətbiq edə biləcəyini bildirib.
Daylinews-az xəbər verir ki, “Deutsche Welle”yə istinadən Aİ-nin yeni xarici işlər və təhlükəsizlik siyasəti üzrə ali nümayəndəsi Kaja Kallas bu barədə açıqlama verib.
Kaja Kallas qeyd edib ki, dinc etiraz aksiyalarına qarşı zorakılıq yolverilməzdir və Gürcüstan hökuməti xalqın iradəsinə və ölkə Konstitusiyasına hörmət etməlidir. O bildirib ki, Gürcüstan məsələsi Aİ üzvlərinin iştirakı ilə müzakirə ediləcək və mümkün addımlardan biri kimi viza rejiminin məhdudlaşdırılması da daxil olmaqla sanksiyalar nəzərdən keçirilir: “Aydındır ki, Gürcüstan hökuməti xalqın iradəsinə hörmət etmir”.
