Bakıda COP29 tədbiri zamanı istifadə olunan elektrik avtobusları artıq müntəzəm marşrut xəttlərində xidmət göstərməyə başlayıb. Bu ekoloji cəhətdən təmiz nəqliyyat vasitələri şəhərin nəqliyyat sisteminin modernləşdirilməsi və havanın çirklənməsinin azaldılması məqsədlərinə xidmət edir.
Köhnə avtobusların taleyi necə olacaq?
Şəhərdaxili marşrut xətlərindən çıxarılan əvvəlki avtobusların gələcəkdə Bakıətrafı ərazilərdə istismarda olan nisbətən köhnə avtobusları əvəz edə biləcəyi sualı aktuallığını qoruyur. Bununla bağlı Azərbaycan Yerüstü Nəqliyyat Agentliyi (AYNA) Daylinews-aza açıqlama verib.
AYNA-nın mövqeyi
Agentlikdən bildirilib ki, istismara yararsız avtobusların yenilənməsi istiqamətində tədbirlər görülür:
“AYNA tərəfindən bu istiqamətdə müsabiqələr həyata keçirilir. Sərnişindaşıma sahəsində xidmətin keyfiyyətini, təhlükəsizliyini və rahatlığını artırmaq, həmçinin marşrutların təhkim edilməsində şəffaflıq yaratmaq məqsədilə şəhərlərarası (rayonlararası) və şəhərdaxili (rayondaxili) marşrut xətləri qanunvericiliyin tələblərinə uyğun olaraq mərhələli şəkildə müsabiqəyə çıxarılır.”
Nəqliyyat sistemində yeniliklər və gözləntilər
Bakıətrafı ərazilərə yeni avtobusların verilməsi ilə bağlı addımlar nəqliyyat sistemində ciddi keyfiyyət dəyişikliyinə yol açacağı gözlənilir. Bu yeniliklər sərnişindaşıma sahəsində xidmət keyfiyyətini artıraraq sərnişinlər üçün daha təhlükəsiz və rahat nəqliyyat imkanları yaradacaq.
