Sabah, 7 dekabr tarixində Bakıda və Azərbaycanın bölgələrində qısa müddətli yağışlar müşahidə ediləcək.
Bu barədə Daylinews-az-a Milli Hidrometeorologiya Xidməti məlumat verib.
Bakıda və Abşeron yarımadasında əsasən buludlu hava şəraiti müşahidə olunacaq, bəzi yerlərdə qısa müddətli yağış gözlənilir. Şimal-qərb küləyi günorta saatlarında cənub-şərq küləyi ilə əvəz olunacaq.
Havanın temperaturu gecə 6-8°, gündüz isə 8-11° isti olacaq. Atmosfer təzyiqi 775 mm civə sütunu, nisbi rütubət isə 70-80% təşkil edəcək.
Azərbaycanın digər bölgələrində əsasən yağışsız hava müşahidə ediləcək, lakin bəzi şərq rayonlarında gündüz saatlarında yağış yağacağı gözlənilir. Yerlərdə duman olacaq. Şərq küləyi bəzi yerlərdə güclənəcək.
Havanın temperaturu gecə 1-6°, gündüz isə 8-13° isti təşkil edəcək. Dağlıq ərazilərdə gecə 6-11° şaxta, gündüz isə 3° şaxtadan 2° istiliyədək dəyişəcək.
