Azərbaycanın növbəti il üçün dövlət büdcəsində təhsil, səhiyyə, sosial müdafiə və sosial təminat sahələrinə ayrılan vəsaitlərin həcmi dəyişib.
Daylinews-az-ın məlumatına görə, Milli Məclisin birinci və ikinci oxunuşda qəbul etdiyi “Azərbaycan Respublikasının 2025-ci il dövlət büdcəsi haqqında” qanun layihəsinə əsasən:
- Təhsil üçün 4 milyard 946 milyon 73 min 190 manat,
- Səhiyyə üçün 1 milyard 999 milyon 438 min 359 manat,
- Sosial müdafiə və sosial təminat üçün isə 4 milyard 811 milyon 769 min 907 manat vəsait nəzərdə tutulmuşdu.
Üçüncü oxunuşda parlamentə təqdim olunan layihədə bu rəqəmlər aşağıdakı kimi dəyişdirilib:
- Təhsil üçün 4 milyard 937 milyon 283 min 246 manat,
- Səhiyyə üçün 1 milyard 993 milyon 578 min 359 manat,
- Sosial müdafiə və sosial təminat üçün isə 4 milyard 751 milyon 730 min 807 manat vəsait ayrılması planlaşdırılır.
