Məşhur amerikalı aktrisa, iş xanımı, model və müğənni Paris Hilton-un Malibu sahilindəki evi Pasifik Paliseyds bölgəsində baş verən dağıdıcı yanğın nəticəsində tamamilə məhv olub.
Daylinews-Az-ın Page Six-ə istinadən verdiyi xəbərə görə, Hilton sosial şəbəkə hesabında bunları yazıb:
“Ailəmlə birlikdə oturub xəbərləri izləmək və Malibu evimizin tamamilə yandığını canlı yayımda görmək, heç kimin yaşamalı olmadığı bir hissdir.”
Paris Hilton-un bu evi əsas yaşayış yeri olmasa da, onun daşınmaz əmlak portfelində önəmli yer tuturdu. Aktrisa ailəsinin təhlükəsiz olduğunu bildirərək, yanğından zərər çəkənlərə başsağlığı verib.
Bölgədə daha bir məşhur cütlük – Leyton Mister və Adam Brodi-nin 6,5 milyon dollar dəyərindəki dəbdəbəli malikanəsi də yanğın nəticəsində məhv olub. Beş yataq otağı, altı hamam otağı və okeana panoram mənzərə təqdim edən bu mülk indi yalnız kül olmuş divarlardan ibarətdir. Malikanənin damı isə tamamilə çöküb.
Cütlük və onların nümayəndələri hələlik baş verənlərlə bağlı rəsmi açıqlama verməyiblər.
Yanğın həmçinin Los-Ancelesdəki məşhur “Hollywood” işarəsinə də təsir edib. Kino sənayesinin simvolu sayılan bu tarixi nişan da təbiət fəlakətinin təsirinə məruz qalıb.
