Azərbaycanda şəhər və rayonlarda kiçik elektrik nəqliyyat vasitələrinin (elektrik skuterləri və samokatlar) sayı ilə bağlı yeni məhdudiyyətlər tətbiq olunub.
Bu barədə qərarı Nazirlər Kabineti qəbul edib. Yeni qaydalara əsasən, şəhər və rayonlarda bu nəqliyyat vasitələrinin sayı aşağıdakı kimi tənzimlənəcək:
- Bakı, Sumqayıt, Xırdalan və Gəncə ərazilərində hər 1000 nəfərə maksimum 6 elektrik nəqliyyat vasitəsi düşə bilər.
- Digər şəhər və rayonlarda isə bu rəqəm hər 1000 nəfərə 4 vasitə ilə məhdudlaşdırılır.
Bu qərar piyadaların təhlükəsizliyini təmin etmək və şəhər infrastrukturuna uyğun nəqliyyat sıxlığını tənzimləmək məqsədilə qəbul edilib.
