Qazaxıstan hakimiyyət orqanları Azerbaijan Airlines (AZAL) şirkətinə məxsus sərnişin təyyarəsinin Aktau şəhəri yaxınlığında qəzaya uğraması ilə bağlı yekun araşdırma hesabatını 2025-ci ilin dekabr ayına qədər tamamlayacaq.
Daylinews-Az-ın məlumatına görə, bu barədə Qazaxıstanın nəqliyyat nazirinin müavini Talqat Lastaev keçirdiyi brifinq zamanı açıqlama verib.
“Beynəlxalq Mülki Aviasiya Təşkilatının (ICAO) tövsiyə etdiyi standartlara əsasən, araşdırmanın bir il ərzində tamamlanması nəzərdə tutulur. Buna uyğun olaraq, cari ilin dekabr ayına qədər yekun hesabat hazırlanacaq“, – deyə Lastaev təyyarə qəzası ilə bağlı araşdırmanın müddətinə dair suala cavab verib.
