Fevralın 25-də Bakıda və Abşeron yarımadasında dəyişkən buludlu, bəzən buludlu hava şəraiti gözlənilir. Əsasən yağıntısız keçəcək, lakin gecə və səhər saatlarında bəzi yerlərdə zəif qar yağması ehtimalı var. Şimal-qərb küləyi gündüz saatlarında cənub-qərb küləyi ilə əvəz olunacaq.
Milli Hidrometeorologiya Xidmətinin verdiyi məlumata görə, gecə paytaxtda və Abşeron yarımadasında havanın temperaturu -5 -8 dərəcə şaxta, gündüz isə +2 +6 dərəcə isti olacaq.
Atmosfer təzyiqi 764 mm civə sütunu, nisbi rütubət gecə 70-75%, gündüz isə 55-65% təşkil edəcək.
Azərbaycanın rayonlarında əsasən yağmursuz hava proqnozlaşdırılır, lakin gecə və axşam saatlarında dağlıq ərazilərdə qar yağacağı gözlənilir. Bəzi yerlərdə duman müşahidə ediləcək, qərb küləyi orta sürətlə əsəcək.
Rayonlarda havanın temperaturu gecə -4 -9 dərəcə şaxta, gündüz +1 +6 dərəcə isti olacaq. Dağlarda gecə -13 -18 dərəcə, yüksək dağlıq ərazilərdə isə -20 -25 dərəcə şaxta, gündüz isə -5 -10 dərəcə şaxta olacağı proqnozlaşdırılır.
Yolların bəzi hissələrində hələ də buzlanma təhlükəsi qalmaqdadır. Sürücülərə ehtiyatlı olmaları tövsiyə edilir.
